إنها مصر أيها السادة

**احمد سمير انور** · 07-04-2009, 12:23 PM

قصيده شعرية من 26 بيت من تأليفي اكتبها إليكم إن أعجبتكم فبها وإن لم تعجبكم فتقبلوا عذري بأنها أول ما كتبت
إنها مصر أيها السادة

أهلها طيبين ومسلمين..... وعايشين في سرور وسعاده
في الأفراح دايما بيتهادوا..... ودمهم سكر زياده
وفي الأحزان لازم بيتساندو.... وكلهم بيشربوها ساده
فلاحينها في الأرض طلعوا..... من غير بزازه ولا داده
أول ما الواد يتولد......... والمصحف تحت الوساده
في الفجر بيصحوا وبيصلوا..... جو كله طهور وعباده
يوزع ربك الأرزاق......... في الفجر ويرزقهم دايما بزياده
يجروا على الغيطان يسقوا.... ويزرعوا وكلهم ابتهاج وسعاده
راضيين باللي ربك قاسمه...... وعمرهم ما قالوا إيش هادا
بناتهم دايما بتشرف..... هبة وابتسام ورقية وغاده
يحافظوا عالتقاليد....... وهي أجمل عاده
إنها مصر أيها الساده
دايما خير الأمم...... وبين العرب ليها الرياده
زويل ونجيب خدوا نوبل... والسيد فاز بالقلاده
ولسه جاي كتير....... دا مصر دايما ولاده
وربك في الكتاب ذكرها.......... بالأمن... والخير فيها عاده
وحبيبنا في الحديث شرفها..... وبجنودها الأخيار أبدى الإشاده
إنها مصر أيها الساده
تدخين وسرقه واغتصاب..... كلها عاوزه إباده
بأخلاقنا لازم نتمسك....... وما نجريش ورا الماده
عمالها بيشتغلوا بإخلاص..... حياه نشيطه وجاده
جنودها دخلوا الحرب...... وخرجنا بأكبر إفاده
رجعنا سينا وطابه........ ووريناهم أهل العباده
أهل القرآن والسنه...... وعمرهم ما سابوا السجاده
علمنا اليهود الدرس..... لغاية ما قالوا لا زياده
رمضان والكل صايم..... والجو حار والشمس حاده
عدينا القناه وعبرنا...... وكانت لينا أم السياده
كتير منا ماتوا لكن...... لسانهم لا زال يردد الشهاده
إنها مصر أيها السادة

**乂事NaRN!a事乂** · 07-04-2009, 01:23 PM

روعه يا احمد
تسلم ايديك و منتظرين جديدك
تحياتي

**ash_oth** · 07-12-2009, 01:44 AM

حلوه جدا ومنتظرين الزياده وعلى طريق الخير ودرب السعاده

**el-kayser** · 07-16-2009, 06:59 AM

sweet ya AHMED

07-04-2009, 01:23 PM	رقم المشاركة : [2]
乂事NaRN!a事乂 Tһe Pr!nćèśś	روعه يا احمد تسلم ايديك و منتظرين جديدك تحياتي
乂事NaRN!a事乂 Tһe Pr!nćèśś	التوقيع:

07-12-2009, 01:44 AM	رقم المشاركة : [3]
ash_oth Junior Member	حلوه جدا ومنتظرين الزياده وعلى طريق الخير ودرب السعاده
ash_oth Junior Member

07-16-2009, 06:59 AM	رقم المشاركة : [4]
el-kayser Member	sweet ya AHMED
el-kayser Member	التوقيع:

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري